Örlítið um mig
Ætt & uppruni
Ég er fæddur á fæðingarheimilinu við Eiríksgötu í Reykjavík 3. febrúar 1972. Móðir mín heitir Þórunn Kr. Bjarnadóttir fædd á Flateyri við Önundarfjörð, dóttir Guðríðar Guðmundsdóttur frá Brekku á Ingjaldssandi og Bjarna Þórðarsonar sem fæddist að Kleifarkoti í Mjóafirði í Ísafjarðardjúpi. Faðir minn Kristján Júlíus Finnbogason lést 10. febrúar 1983. Hann var sonur Finnboga Ketilssonar og ….
Menntun & helstu störf
Á stopulli skólagöngu minni hef ég farið víða. Var í grunn- og gagnfræðiskólum í Garðabæ. Þaðan lá leiðin á Héraðsskólann að Núpi í dýrafirði. Fimmtán ára gamall hóf ég nám við Reykjaskóla í Hrútafirði og fyrstu tvö árin í menntaskóla tók ég á Núpi. Þaðan fór ég í Fjölbrautaskólann við Ármúla. Námið hélt mér þó ekki og ég kvaddi þann skóla – 17 einingum frá stúdentsprófi að mig minnir. Í gegnum tíðina hef ég unnið fjölbreytt störf bæði til sjós og lands. Ungur að árum var ég vinnumaður í sveit að Hrauni á Ingjaldssandi. Vann við landanir, í frystihúsum fyrir vestan og á sjónum, bæði togurum og minni bátum. Frá árinu 2001 hef ég unnið sem blaðamaður, en ég gæti sagt að blaðamannaferillin næði aftur til ársins 1985 en þrettán ára gamall gaf ég út Duran Duran blaðið og seldi á 25 krónur stykkið.
Fjölskylda & áhugamál
Ég er í sambúð með Brynju Gísladóttur sem rekur eigið bókhaldsfyrirtæki. Ég á fjögur börn, þrjú á lífi en elsta dóttir mín Sigrún Mjöll lést 3. júní 2010.
Rannsóknarblaðamennska
Frá því ég byrjaði í blaðamennsku hef ég alltaf haft áhuga á rannsóknarblaðamennsku og sótt alþjóðaráðstefnur í þeim geira og kynnst blaðamönnum með sama áhuga um heim allan. Þeir blaðamenn sem ég hef kynnst og eru í verkefnum tengdum rannsóknarblaðamennsku hafa langflestir sömu sýn og ég. Ég er í blaðamennsku því ég vil benda á hluti sem betur mega fara í samfélaginu. Ég vil vera útrétt hönd minnihlutahópa sem hafa fáa eða jafnvel enga málsvara og spyrja spurninga fyrir þessa hópa sem fá ekki sanngjarna meðferð í samfélaginu. Ég vil segja frá óréttlæti, spillingu, ólöglegum aðgerðum og draga upp á yfirborðið hluti sem þarf að bæta í samfélaginu.
-
„To regularly present in depth investigative reporting, revealing wrong doing and system failures, is the single most important assignment for public service and state TV. Especially now, when the financially repressed traditional media companies have to cut down their journalistic ambitions. To not give the viewers this is to let them down terribly. The viewers need it. And they love it!“
-Nils Hanson, ritstjóri Uppdrag Granskning, SVT
-
„The importance of investigative journalism can not be understated; it is an essential media tool and without it, it is almost impossible for the media to maintain it is carrying out its duty´s as the “fourth estate”. In an increasingly complex world, and when power is concentrated in ever larger international entities, seeking the truth calls for more intensive and time consuming investigations. Abandoning investigative reporting is abandoning people. In our societies, poorer investigative journalistic work, means weaker democracy.“
-Kristinn Hrafnsson, rannsóknarblaðamaður
-
„It is not enough for journalists to see themselves as mere messengers without understanding the hidden agendas of the message and the myths that surround it.“
John Pilger rannsóknarblaðamaður - úr bókinni Hidden agendas
-
„The duty of journalists is to tell the truth. Journalism means you go back to the actual facts, you look at the documents, you discover what the record is, and you report it that way.“
-Noam Chomsky, prófessor
Fréttir & verðlaun
Kompás – Stöð 2
Kastljós – RÚV
Verðlaun
Edduverðlaun
Bloggið mitt
Úr Kastljósinu
Eftir ritstjórnarfund í Kastljósinu í morgun þar sem farið var yfir þáttinn í gær og línurnar dregnar fyrir kvöldið, gekk ég út úr útvarpshúsinu sáttur og með bros á vör – atvinnulaus. Ég var ráðinn tímabundið í Kastljósið og sú ráðning rann út um mánaðarmótin janúar/febrúar. Ég á eftir að klára tvær fréttir fyrir Kastljós[…]
Þegar hjartað ræður för
Í gærkvöldi sat ég með Ágústu Evu Erlendsdóttur leikkonu og Ragnari Kjartanssyni myndlistarmanni fyrir útsendingu á áramótaþætti Kastljóssins. Þau fengu sér te – ég fékk mér kaffi eins og venjulega. Ég var að undirbúa viðtalið við þau og spurði þau um viðburðarríkt ár í þeirra lífi sem nú er að líða. Þau hafa bæði náð[…]
Rothögg fyrir rannsóknarblaðamennsku á RÚV
Ég ákvað að gera blaðamennsku að lífsstarfi mínu eftir að ég og félagar mínir í Kompási vorum reknir af Stöð 2 árið 2009. Það var ákvörðun sem ég sé ekki eftir enda á maður að fylgja hjartanu í því sem maður tekur sér fyrir hendur í lífinu. Starfsöryggi blaðamanna á Íslandi er einstaklega ótryggt og[…]
Ingjaldur á netið
Fyrsta bindi Ingjalds varð til árið 1908 á stofnári Ungmennafélagsins Vorblóms sem hélt utan um tímaritið Ingjald. Tímaritið, sem var stílabók, gekk á milli bæja á Ingjaldssandi og skrifuðu íbúarnir hugleiðingar, sögur, ljóð og allt þar á milli í bókina. Einar Guðmundsson lýsti tilgangi Ingjalds í grein sem hann skrifaði árið 1920 í Ingjald. „Það[…]
Unglingar í Holtinu styrkja Minningarsjóð Sissu
Á miðvikudagskvöldið tók ég við styrk í Minningarsjóð Sigrúnar Mjallar uppá tæpar 140 þúsund krónur. Það voru unglingar í félagsmiðstöðinni Holtinu í Norðlingaholti sem söfnuðu þessum peningum. Það gerðu þau í sérstakri góðgerðar- og útvarpsviku sem var alla síðustu viku í félagsmiðstöðinni. Í tilynningu frá Holtinu segir; „Við ætlum að láta gott af okkur leiða[…]
Veitti fyrstu hjálp í gærkvöldi
Í gærkvöldi keyrði ég fram á bílveltu á Hellisheiðinni. Ég sá bifreiðina fara út í kant í mikilli hálku, uppá snjóruðning þar sem hún fór tvær veltur. Ég stöðvaði bílinn minn, setti hazardljósin á, bað ökumann bílsins fyrir aftan mig sem einnig hafði stöðvað að hringja á lögreglu og hljóp svo að bílnum sem var[…]
Tölurnar á gangstéttinni
Oft á morgnana þegar ég fylgi 5 ára syni mínum Gísla Kristjáni á leikskólann hugsa ég til fortíðar, nútíðar og framtíðar. Á stéttina á leikskólalóðinni eru málaðir kassar með númerum frá 1 og upp í 85. Eftir þessum kössum göngum við á morgnana og náum upp í 70 sem er fyrir framan dyrnar á deildinni[…]
Fiskbúð Hólmgeirs keypti treyjuna á 200 þúsund
-fjölskylda í Reykjavík styrkti sjóðinn að auki um 300 þúsund krónur. Fiskbúð Hólmgeirs í Mjóddinni bauð 200 þúsund krónur í treyju Arons Pálmarssonar landsliðsmanns í handbolta og leikmanns Kiel í Þýskalandi. Treyjan mun því að öllum líkindum hanga uppi í fiskbúðinni öllum til gleði. Til viðbótar styrkti fjölskylda í Reykjavík sjóðinn um 300 þúsund krónur[…]
Pabbi vill gefa syni sínum treyjuna í jólagjöf
Fjölskyldufaðir hafði samband við Minningarsjóð Sigrúnar Mjallar eftir viðtal við mig og Aron Pálmarsson handboltakappa á Bylgjunni í morgun. Faðirinn lagði inn tilboð í treyju Arons Pálma upp á 85 þúsund krónur. Í bréfi sem hann sendi sagði hann viðtalið hafa snert sig. Hann eigi nokkur börn og að elsta barnið eigi við fíkniefnavanda að[…]
Milljón til góðra mála
-Úthlutað úr Minningarsjóði Sigrúnar Mjallar í annað sinn. Aron Pálmarsson gefur handboltatreyju til styrktar sjóðnum. Einni milljón króna verður úthlutað úr Minningarsjóði Sigrúnar Mjallar þann 22. desember næstkomandi en þann dag hefði Sigrún Mjöll orðið 21 árs. Þetta er í annað sinn sem úthlutað er úr minningarsjóðnum, en í desember í fyrra voru fjögur[…]