Forsvarsmenn minningartónleikana um Sissu báðu mig um að koma þessari tilkynningu á framfæri:
Fréttatilkynning
Minningar-og styrktartónleikar: „Í minningu Sissu“. – Ágústa Eva hleypur í skarðið fyrir Þórunni Antoníu.
Meðferðarheimilið á Laugalandi fékk þá hugmynd á vordögum að halda tónleika til þess að styrkja minningarsjóð Sigrúnar Mjallar Jóhannesdóttir. Sigrún Mjöll eða Sissa eins og hún var oftast kölluð var í meðferð á Laugalandi og átti góða tíma þar. Hún lést í júní 2010 eftir of stóran skammt af læknadópi aðeins 17 ára gömul.
Breytingar á liðskipan listamanna:Miðasala á tónleika gengur vel og er mikill áhugi á tónleikunum enda málefnið gott og margir listamenn sem koma fram.
Af óviðráðanlegum orsökum urðu breytingar á þeim sem fram munu koma. Þórunn Antonía, Bent og Steindi jr. komast ekki á tónleikana en til stóð að Þórunn yrði kynnir. Í staðinn mun Ágústa Eva Erlendsdóttir vera kynnir tónleikanna. En fjöldi listamanna mun koma fram og sjá til þess að þetta verið góð kvöldstund í Hofi fyrir alla fjölskylduna.
Tónleikarnir:Tónleikarnir fara fram í Hofi, menningarhúsinu á Akureyri föstudaginn 30.september kl.20:00.
Fram koma vinsælustu tónlistarmenn landsins í dag og verður efnisskráin fjölbreytt enda tónleikarnir hugsaðir sem fjölskyldutónleikar.
Fram koma:Friðrik Dór, Óskar Pétursson, Eyþór Ingi Jónsson, Rúnar Eff, Kristmundur Axel, Bjartur Elí, Júlí Heiðar, Kór Glerárkirkju, Karlakór Akureyrar- Geysir, Hvanndalsbræður og Páll Óskar. Einnig má eiga von á óvæntum gesti.
Kynnir: Ágústa Eva
Um sjóðinn:Við andlát Sissu var stofnaður minningarsjóður sem hefur það hlutverk að stuðla að skapandi störfum ungmenna sem lent hafa út af sporinu og eru á meðferðarheimilum landsins. Úthlutað er úr sjóðnum 22.desember á afmælisdegi Sigrúnar Mjallar.
Hægt er að kaupa miða á www.minningsissu.is og einnig á www.midi.is
Nánari upplýsingar gefur Pétur Guðjónsson í síma 691 1219